東湖酒樓　食神也俾Like

Helen 2024-01-11

圖文：Helen

去廣州飲茶雖然又平又正，不過今時今日相機食先，顏值才是王道！永慶坊就有一家老牌酒樓大玩創意點心，連食神韜韜都要來捧場拍片。東湖酒樓是廣州老字號，就算開在景點內，每朝依然有很多「老友記」排隊幫襯。酒樓位於荔枝灣涌邊，在二樓望住遊船景品嚐一盅兩件，都咪話唔嘆！鎮店之寶是網紅「醒獅包」，每隻醒獅都由點心師傅人手製作20分鐘，雖然又要等又唔算平（¥68），但勝在栩栩如生、賣相吸引，加上個包大過拳頭，而且鹹蛋黃肉鬆餡相當飽肚，值回票價。另一顏值擔當是「荔枝炸蝦球」，脆皮包住啖啖蝦肉，幾可亂真。

一場來到，當然要試試在香港少見的特色點心，例如口感像馬蹄糕的香煎龜苓膏、韜韜都俾Like的拿破崙叉燒酥餅、用茶壺盛載的小青柑炖肉汁湯等，包你食唔停口。